ادخل و اختارلك موته حلوه .......

ادخل و اختارلك موته حلوه

عاوز تموت شهيد?

ياتركب طياره............... ياتركب عباره

عاوز تموت م الجوع ؟
ياتشترى شقه................ياتشترى عربيه بالقسط

عاوز تموت م الحسره ؟
ياتتفرج ع الفاترينات فى ستى ستارز.....ياتروح زياره لمارينا

عاوز تموت م الغيظ ؟
ياتتفرج ع القنوات المحليه......... ياتتفرج ع النشره الجويه

عاوز تموت م الزهق ؟
ياتستنى الأشاره لما تفتح .... ياتستنى دورك فى الطابور فى
التأمين الصحى

عاوز تموت م الهبل ؟
يا تخش ع النت .......... ياتسمع نجوم الأف أم

عاوز تموت مخنوق ؟
ياتروح مصلحه حكوميه ......... ياتقرا الجريده اليومية

عاوز تموت مفروووس ؟
ياتركب تاكسى ............ ياتركب دش

عاوز تموت مرعوووووب ؟
ياتستنى نتيجه الثانويه العامه ....... ياتستنى نتيجه التحاليل عند الدكتور

عاوز تموت مشهور ؟
ياتتجوز رقاصه ............ ياتنصب على بنك

عاوز تموت مليونير ؟
ياتعمل فيديو كليب............. ياتلعب كوره

عاوز تموت ورا الشمس ؟
ياتشغل مخك ............ ياتفتح بؤك

عاوز تموت منكد ؟
ياترشح نفسك فى الأنتخابات ....... ياتخش ف أتفاقيه الجات

عاوز تموت م الحزن ؟
ياتفكر دايما ف أحوالك .......... ياتحط الحكومه ف بالك

عاوز تموت م الضحك ؟
ياتتجوز أتنين ......... ياتشتغل مع المجانين

عاوز تموت ف حالك ؟
أعمل نفسك دايما مش واخد بالك

هههههههههههههههه
علي كده بقا مفيش حد عايش غيرك
ولو عايزه تموتي من الزحمه
يا تقفي في طابور العيش
يا تروحي تشتري لحمه
مرسي يا نيمو علي ابداعاتك
مشكوووووووووووور

:good: :

:

ممكن فعلا وممكن اى موتة الا الزحمة بس الحمد لله لا بروح أجيب عيش ولا بروح أجيب لحمة

ولو عايزين كمان نموت من الأكتئاب نتفرج على برنامج 90 دقيقة أو البيت بيتك أو العاشرة مساءا

ميرسيى يا انيلكا على مرورك