mo7a احلي منتدي


 
الرئيسيةس .و .جبحـثالتسجيلدخول

شاطر | 
 

 أسئلة مالهاش أى لزمة غير أنها رخمة

اذهب الى الأسفل 
كاتب الموضوعرسالة
nemo lovely
ستــــــار المنتدي
avatar

انثى عدد الرسائل : 649
العمر : 31
تاريخ التسجيل : 01/11/2007

مُساهمةموضوع: أسئلة مالهاش أى لزمة غير أنها رخمة   الخميس 20 ديسمبر 2007 - 20:06

فيه أسئلة بديهية مالهاش اي لزمة في الدنيا
بنتعرّض ليها كل يوم من كل الناس

خلـونـــا نشــوف أمثلة

***********

إنت في أوضتك .. على السرير وطافي النور ومتغطي
ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟

(( أظن ده مش وضع الرقص !!! واضح ان انا هنام ))
***********

انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتــواااااااااااااااا ؟

(( لا لسه ))

***********

والعكس : انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه

(( !!! لاء دانا لسه راجع ))
***********

أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟

(( لا.. العربية واحشاني ))
***********

مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟


(( لا.. بتفرّج عليه ))
***********

مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟

(( تقوم رامي الكتاب و تقوله لااااااااء ))
***********

ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟

(( لاء.. هفرطها و أسلقها ))
***********

ولاّ تعالــو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنيه
ترد عليه ست الكتكوتة (المذيعة) بكل خفه ورشاقة : إنتا بتحب الاغنيّة ديه ولا ايه ؟

(( لاء.. طالبها اخنق على نفسي ))
***********

أو مثلا في العيد

المذيع : هههههه هههههههه هههههه نتعرّف بيك
المواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير

(( أكيد يعني مش هيقولهم البقاء لله ))

***********

,,,المذيعة الظريفـة : وياترى بقى هتعملوا ايه العيد ده هتقضوه ازاي ؟
أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين

(( سبتيله ايه يقوله يارخمة ؟ ))
***********

والأسخف بقى ... الشلل الكبير.. لما المذيعين يكلّموا الاطفال
يقول المذيع للطفل : إنت بتحب ماما وبابا ؟

(( يعني أساسي الواد لسه ما طلعلوش عرق الندالة علشان يقول لأ ))

***********

كفاية كده عليكواااااا
اظن انتوا عارفين الباقي
:) :) :)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mo7a
Admin
Admin
avatar

انثى عدد الرسائل : 896
العمر : 34
تاريخ التسجيل : 31/10/2007

مُساهمةموضوع: رد: أسئلة مالهاش أى لزمة غير أنها رخمة   الخميس 20 ديسمبر 2007 - 22:49

ههههههههههههههه موضوع جامد فعلا كل ده بيحصل واكتر كماااااان بكتير مشكورة نيمو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mo7a.ahlamontada.com
nemo lovely
ستــــــار المنتدي
avatar

انثى عدد الرسائل : 649
العمر : 31
تاريخ التسجيل : 01/11/2007

مُساهمةموضوع: رد: أسئلة مالهاش أى لزمة غير أنها رخمة   الثلاثاء 25 ديسمبر 2007 - 1:54




ميرسيى يا جامد انت


Like a Star @ heaven Like a Star @ heaven Like a Star @ heaven
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
anilka
كــــــــــابتن المنتدي... ومشرف الاقسام الرياضية
كــــــــــابتن المنتدي... ومشرف الاقسام الرياضية
avatar

ذكر عدد الرسائل : 961
العمر : 36
الموقع : www.ahlyegypt.com
المزاج : معتدل
تاريخ التسجيل : 20/11/2007

مُساهمةموضوع: رد: أسئلة مالهاش أى لزمة غير أنها رخمة   الخميس 27 ديسمبر 2007 - 1:11

ههههههههههههههه
فعلا في كده واكتر من كده
زي في المواصلات الراجل يقعد ينده مثلا رمسيس
ويجي واحد يقوله انته رايح رمسيس
امال هو بيندهه ليه
وانا كمان عارف اتنين اخوات
يكتبوا حاجات ويردوا علي بعض
رغم ان الاتنين فيبيت واحد وقعدين جنب بعض
وعلي نفس الكمبيوتر
مرسي يا نيمو علي المجهود
مشكوووور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.mo7a.ahlamontada.com
sasooo
عضو ممـــيز
avatar

عدد الرسائل : 135
تاريخ التسجيل : 15/11/2007

مُساهمةموضوع: رد: أسئلة مالهاش أى لزمة غير أنها رخمة   الخميس 27 ديسمبر 2007 - 10:36

goood بجد موضوع جامد وفعلا بيحصل goood :good: بس تسلم اديكي يا نيمو علي الموضوع :good:
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nemo lovely
ستــــــار المنتدي
avatar

انثى عدد الرسائل : 649
العمر : 31
تاريخ التسجيل : 01/11/2007

مُساهمةموضوع: رد: أسئلة مالهاش أى لزمة غير أنها رخمة   الجمعة 28 ديسمبر 2007 - 3:37



ميرسيى يا انيلكا لمرورك وعلى فكرة انا كمان اعرف اتنين اخوات بيعملو نفس اللى الأتنين دول بيعملوه شكل الحكاية دى منتشرة اليومين دول اوى

Wink Wink Wink


ميرسيى يا ساسو لمرورك وفعلا بيحصل اكتر من كدة كمان وتسلمى لردك يا جميل


cheers cheers cheers


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
egyption_empror
عضو جديـــد
avatar

ذكر عدد الرسائل : 4
العمر : 32
تاريخ التسجيل : 02/01/2008

مُساهمةموضوع: رد: أسئلة مالهاش أى لزمة غير أنها رخمة   الأربعاء 2 يناير 2008 - 5:08

المشكلة ان فى ناس رخمة اوى فعشان كده مش بيكتفو انهم يرخموا على نفسهم لا ده كمان هما بيكيفوامن انهم يرخموا على الناس بالاسئلة اللى بيقولها ....

يعنى انا حصل معايا موقف من ارخم المواقف اللى لا يمكن انى هانساها كنت فى اللجنة الصبح مستنى المراقب انه يبتدى يوزع ورق الاجابة علشان الواحد يبتدى يظبط نفسه لكن الراجل عمل ايه فعلا ابتدا يوزع ورقة الاجابة بس المشكلة اللى حصلت بقى انه كان مع كل ورقة يوزعها كان بيسحب الكارنيه وكمان بيسلم الطالب اللى قدامه ورقة علشان يمضى اسمه ويدور على رقم الجلوس على علم ان الساعة كانت 9 وخمسة يعنى الامتحان بدا من خمس دقايق وهو ولا هو هنا عايش مع نفسه ومع الورق اللى معاه وطظ فى الناس اللى بيمتحنوا وعلى شرط هو كمان اللى معاه ورق الاسئلة ......لا والمشكلة ان الوقت عده منه اكتر من ربع ساعة وهو لسه بيوزع ورق الاجابة لسه .....
طب ده بقى تقولوه عليه ايه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أسئلة مالهاش أى لزمة غير أنها رخمة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
mo7a احلي منتدي :: القسم العــــــــــــــام :: منتدي مواضيــــــع للمنــــاقشـة-
انتقل الى: