ازاي تتعامل مع خطيبتك ....؟

ازاي تتعامل مع خطيبتك ....؟

ازاي تتعامل مع خطيبتك .. او لما تخطب ان شاء الله..
هنقول شوية حاجات بسيطة جدّاً تاخدوا بالكم منها وهي:

1ـ خليك دايماً على اتِّصال بخطيبتك؛ للاطمئان عليها، ومفيش مانع من كلمة حلوة؛ لأن الموضوع ده هيترك أثر جامد في نفسها.

2 ـ حسّسها دايماً إنها أحلى بنت في الوجود، وإن دي فعلا البنت اللي كنت بتتمناها من زمان.

3 ـ انتهز أي فرصة وهات لها هدية حتى لو بسيطة؛ لأن الهدايا بتقرّب المسافات، وبتفرّح أي حد.

4 ـ تجنب أي تصرف يدلّ على العنف والتهور، زي لما تكونوا خارجين وحدّ يبص لها تقوم تضربه أو تتخانق معاه.. يعني من الآخر كده: خليك جنتل مان في كل تصرفاتك.

5 ـ راعي مشاعرها في تصرفاتك، واوعى تبص أو تعاكس أو حتى تمدح في بنت تانية قُدّامها.

6 ـ حسّسها دايماً بإنك قادر على تحمُّل مسئولية الحياة بعد الجواز، وده عن طريق إنك تتكلم معاها في أمور الحياة، وتديها آراء جادة، دون الاعتماد على آراء الآخرين.. يعني مش لما تسألك على حاجة تقول لها: معرفش.. لما أسأل بابا أو أسأل ماما؛ لأن الكلام ده ممكن إنه يضايق أي بنت، ويحسّسها إن خطيبها غير قادر على تحمل المسئولية.

7 ـ اشرح لها إمكانياتك المادية وطموحك اللي ناوي تحققه في ضوء الإمكانيات دي من غير كدب أو تزييف.

وفي النهاية أحب أقول لكل ولد وبنت مخطوبين حاجتين اتنين وبس:

الحاجة الأولى:

وهي إن كل طرف يكون عنده استعداد يتغيّر للحاجة اللي بيحبها الطرف التاني، وحابب إنه يشوفها فيه.. وخاصة إذا كان التغير ده هيكون للأحسن.

الحاجة التانية:

بلاش التسلط ومحاولة فرض الرأي بدون أسباب منطقية.. ومفيش طرف يدي قرارات للطرف التاني على شكل أوامر إذا لم تنفذ فإن العقاب سوف ينزل..

مستنيين نعرف آراءكم إيه
في الكلام اللي قلناه ده..

كمان لو حد عنده أي نصيحة يحب إنه يقدمها
لأي اتنين مخطوبين يا ريت يقول لنا عليها،

اتعامل معاها
ولا اثبتها
بس موضوع
جاااااااااامد
تسلم ايدك
مشكووووووووووور
انيلكا مر من هنا
تقبلي مروري

تسلمى ياجميل
كلام جامد جدا
ودى فعلا الحقيقة
بس مش تثبتها ياانيلكا
المفروض ان ده اللى يحصل من غير ماحد يقول
ولو كنت مش بتعمل كده
الكلام ده مش علشان تعمله وخلاص
لازم تكون حسه
ولو بتحبها بجد لما تقرا الكلام ده
هتلاقى نفسك بتعمله فعلا
نصيحة لاى اتنين مخطوبين
فى اى موضوع او مشكلة
لازم يكون فى
تفاهـــــــــــــــــــــــــــــــــــــــــــــــــــــــــم
الله عليكى ياموحا

goood

مشكوووووووووووووووووووووو
موحا
بس كده انت بتعلمنا
اني اتعامل مع خطيبتي
علي طريقه
الشاكوش والمسمار
دق وثبت

عموما ده واقع
مشكووووووووووووور علي مواضيعك الجامدة
يا Mo7a
goood

مشكوووووووووووووور
تقبل مروري
heka

مش هاقول اكتر من اللي ايمي قالته

ياانيلكا وياحودا والله مش تثبيت انت لو بتحبها هتتعامل معاها كدة
او لو انت بتتعامل كدة فعلاا تعرف انك بتحبها بجد
مش تثبيــــــــــــــت

وميرسي لمروركم
وميرسي ياايمي ياجامد