anilka كــــــــــابتن المنتدي... ومشرف الاقسام الرياضية
عدد الرسائل : 961 العمر : 41 الموقع : www.ahlyegypt.com المزاج : معتدل تاريخ التسجيل : 20/11/2007
موضوع: نصائح من واحد رخم طبعا مش انا الجمعة 13 يونيو 2008 - 3:46
فى الكلية هتقابل صاحبك وهتقعدوا على أى كافيه بقى
هيجى الجارصون سيب صحبك يطلب الأول وبعدين استلم الجارصون بقى واديله نصيبه قوله عندك برجر ؟ هيقولك اه قوله حلو ؟ هيقولك تمام قوله اوك يبقى اكتب واحد شاورمة طب عندك كبده ؟ هيقولك ايوة قوله معمولة ازاى ؟
سيبه يرغى شوية وقوله انا اصلا مبحبش الكبدة فكك حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها المهم حاول تجيبله جفاف عقبال ماتطلب اللى انت عايزه
وأنت بتاكل بقى أتسلى على المخلل اللى مش عاجبك أرمى شوية على التربيزة وشوية على الأرض أنت وذوقك بقى لو معاك كاتشب مفيش مانع تكتب أول حرف من اسمك على التربيزة ترسم قلب عادى يعنى المهم تخليله التربيزة شبه التورتة ومتنساش تعيب على الأكل وأنت بتحاسب وكمان تقول الحساب غالى
فى المدرج أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسوك أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم
لو مسكتش أنا هقول للدكتور والحركة دى رذلة ومستفزة جدا بس اشطه يعنى وياسلام لو واحد وواحدة يبقى أنت كده جبت من الآخر
لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض
استلم أى حد واسأله المحاضرة هتخلص امتى ؟ وكل فيمتو ثانية كده اسأله الساعة كام اصل أنا زهقت
طبعا هو اللى زهق وطهق من الكلية وبيقول ياريتنى ماكملت تعليم وكره حياته كلها زى باقى الضحايا
عايز تعمل دماغ حلوة روح على شباك شئون الطلبة المهم حاول تعمل أهبل وأنت داخل وعايز تقف أول واحد
هيرجعوك ورا تحاول تقف مكان أى حد وترذل على كله هما أصلا بيبقوا واقفين مش طايقين نفسهم
لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش
ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع بتاع شئون الطلبة خالص لما يجى دورك بقى بيبقوا عايزين يخلصوك ويكروتوك واللى واقفين وراك فى الطابور مستنينك تغور فى داهية بفارغ الصبر خد وقتك كأنك بتحجز فى سينما و اسأل أسئلة كتير وكل مايقولك حاجة قوله مش فاهم معلش قول تانى فهمنى أعمل أيه بالظبط لحد ماتشل أكبر عدد ممكن
وبكده يبقى أنت مارست هوايتك وقضيت يوم رذل
__________________
nona عضـــو فعــال
عدد الرسائل : 90 العمر : 37 تاريخ التسجيل : 21/11/2007
موضوع: رد: نصائح من واحد رخم طبعا مش انا الجمعة 13 يونيو 2008 - 15:25
ههههههههههههههههههههههههههههههه بجد لو في شخصيات كده كتير يبقي عاوزين الحرق والله يكون في عون اللي بيقبلوهم حلو الموضوع واوعوا تكون بتعمل كده ياانيلكا
simsima عضو جديـــد
عدد الرسائل : 6 العمر : 35 مكان السكن : القاهرة تاريخ التسجيل : 12/06/2008
موضوع: رد: نصائح من واحد رخم طبعا مش انا الجمعة 13 يونيو 2008 - 22:17
طبعا مش انت هو فى حد كده اصلا ده لو فى ناس كده نموت ومش نتعامل معاها اصلا بس موضوع حلو اوى ياانيلكا والواد ارخم وارخم
shahd عضو ممـــيز
عدد الرسائل : 118 العمر : 40 تاريخ التسجيل : 04/11/2007
موضوع: رد: نصائح من واحد رخم طبعا مش انا السبت 14 يونيو 2008 - 0:10
يامرارى
ربنا ياخدة ويغور فى داهية انا لوشفت واحد كدة ممكن اخد فية اعدام
nemo lovely ستــــــار المنتدي
عدد الرسائل : 649 العمر : 36 تاريخ التسجيل : 01/11/2007
موضوع: رد: نصائح من واحد رخم طبعا مش انا السبت 14 يونيو 2008 - 1:34
ياربى على الرخامة ايه ده ده ارخم منه مش فيه
الله يكون فى عون الناس اللى عايشة مع حد كدة
مادام هواية يبقى تمارس فى اى وقت بجد مفيش كدة
بس بجد تسلم ايد ياكابتن على الموضوع
وتسلم على مجهودك
mo7a Admin
عدد الرسائل : 896 العمر : 40 تاريخ التسجيل : 31/10/2007
موضوع: رد: نصائح من واحد رخم طبعا مش انا السبت 14 يونيو 2008 - 17:41
ظلمته يااحمد لما قلت رخم لالالا ابدااا مش رخــــــم ده لا يطــــــــــــــــاق بجد لايطاق لو فيه حد كدة بجد الله يكون في عون اللي يقابله
انا لو قبلت حد كدة مش عارفة ممكن اتصرف معاه ازاي
عمومااا ميرسي كتير ياكابتن عالموضوع
heka دينـــــــــــــامو المنتدي...ومشرف الاقسام الرياضية
عدد الرسائل : 808 العمر : 39 الموقع : www.zamalekfans.com العمل/الترفيه : محاسب // رياضي المزاج : زمالك يا حبي مكان السكن : may city تاريخ التسجيل : 31/05/2008
موضوع: رد: نصائح من واحد رخم طبعا مش انا السبت 14 يونيو 2008 - 22:49
ههههههههههههههههههههههههه ههههههههههههههههه هههههههههههههههههههههههههههههه هو في كده يا كابتن هههههههه لا موضوع رخم رخم يعني ولا اقولك موضوع مش اد كده علشان الرخامه تكمل يعني حاول تطور من نفسك هههههههههههه بس بجد موضوع جامد موووووت
emy فراشـــــــة المنتدي ومشرفة قسم البنـــــــات
عدد الرسائل : 320 العمر : 38 تاريخ التسجيل : 18/03/2008
موضوع: رد: نصائح من واحد رخم طبعا مش انا الأحد 15 يونيو 2008 - 19:53
لالالالالالالالالالالالالالالالالا حرام والله يبقى فى حد كده وبعدين ده مش رخم بس لا ده تبت ورزل وحاجات كتيييييييييييير ..................... ده الواحد يروح فيه فى دهية ومايندمش ياساتر ايه ده ؟؟؟؟؟؟؟ ده المادة الخام للرخامة والتباتة والرزالة
مشكور ياكابتن على الموضوع الجااااااااااااااااااااااااااااااامد
الفراشة طارت من هنـــــــــــــــــــــــــــا
anilka كــــــــــابتن المنتدي... ومشرف الاقسام الرياضية
عدد الرسائل : 961 العمر : 41 الموقع : www.ahlyegypt.com المزاج : معتدل تاريخ التسجيل : 20/11/2007
موضوع: رد: نصائح من واحد رخم طبعا مش انا الأحد 15 يونيو 2008 - 23:26
هههههههههههه رخامه برخامه بقي مش مشكور علي المرور هههههههههههههه ومش مشكور علي الردود وموضوع رخم ومش عاجبكوا واكيد مش هاخد تقيم هههههههههههههههه بجد مشكور علي المرور وده مش انا فعلا محدش يفهمني غلط مشكوووووووووووور